اهلا وسهلا بكم تمتع باجمل القصائد والشعار والكلمات الجميله لبلدنا العزيز ولعاصمتنا الحبيبه بغداد وشكرا لمروركم الرائع

عراق
يريدونك تضيع وانتة نور بليل *** وتموت من العطش يالماي يردونك

ويضيعونك عجيب وانتة مثل الريح *** وين بيا مكان اتضيع يلكونك

مشوك بدرب ما مات جدمك بيه *** وحتى اتضيع كلش شدو اعيونك

وغشو عينك وايدك مزنجلة ومجتوف *** تهد هدة اسد لو ناس ينخونك

يل المغفي الجمر منقلة وبيك اتنام *** وهمة رماد موكة ما يجوونك

اذا ظلك طلعته وظل وراك ايحوم *** ابد لتخاف منهم ما يظلمونك

عاشرنة التعب والاه والحرمان *** كلها لخاطرك ولخاطر اعيونك

صرنالك جسر للنجم عبرناك *** وصغنة من الحزن ضحكات لعيونك

تعلكنة قطع سودة وعليها ارواح *** ما جنة قطع لا كحله لعيونك

يردونك صبخ والملح ياكل بيك *** ويردونك تبور وما يزرعونك

ويردونك تجف والماي يطلب ماي *** ويردونك تنام وما يندهونك

ما يدرون عركك بالارض ميموت *** ترد تحيه وتعيش شما يكطعونك

ذاك حسين حي وصير انتة مثل حسين *** بالشدة الخريطة اتصير ميمونك

يااااا مدري شوصفك شرد اكولن بيك *** عراق والعمر ما يسوة من دونك

ليلى انتة صرت والمثل ما ينقاس *** وشعبك من محبتك صار مجنونك

نموت نموت ويحيى العراق



تنادي الدماءُ بأعماقِنا...
نموتُ نموتُ ويَحيى العراقْ



سلامٌ على بلدِ الأنبياء
ومهدُ الحضارةِ والأصفياء
ستبقى بلادي هدىً وضياء
ومَهما العدوَّ يشدَّ الخِناقْ



تنادي الدماءُ بأعماقِنا...
نموتُ نموتُ ويَحيى العراقْ



يفورُ بنا عنفوانُ الشّبابْ
وتلهَبُ فينا رُؤوسُ الحِرابْ
فيا أمَّنا إنْ أطلنا الغيابْ
فقولي وداعاً شَهيدَ العراقْ



تنادي الدماءُ بأعماقِنا...
نموتُ نموتُ ويَحيى العراقْ



فبغدادُ تبقى منارَ الحياة...
وقلعةُ عزٍّ ومجدَ الأباة
حرامٌ عليَّ مياهُ الفرات...
ودجلةَ إن لم أمُت للعراقْ



تنادي الدماءُ بأعماقِنا...
نموتُ نموتُ ويَحيى العراقْ



فيا أمِّ كفّي البُكا والدّموعْ...
فهذا وليدُكِ بينَ الجُموعْ
سأمضي وليسَ ببالي الرَُجوعْ
سأمضي سأمضي لأجل العراقْ




تنادي الدماءُ بأعماقِنا...
نموتُ نموتُ ويَحيى العراقْ
 
بغداد
 
بغداد...... هليلة تمنيتج تمريلي *** بغداد يا جرح القلب وينج

درجعليلي *** حنيت لترابــج انا و الفركة تجويني *** والشوك

ذكرني بوكت جنتــــي تحضنيني *** تذكرين يا شدة ورد بلونــج

سحرتيني *** ليش ذبلان الورد وزعلانة يا عيني *** بغداد يا

شمعة انطفت بالظلمة عفتيني *** وظليت تايه انا .. ياهو اليدليني ؟؟
 

عراقي اني

انطيني من وقتك ثواني
ما أكلك آني وآني
شاعر من أهل العراق
عربي وأصلي عدناني
قريشي ومن نسل قحطان
لا تركي ولا مدغوش بأفغاني
لك الزمان ابيوم ذر الناس
الزمان عليك ذرّاني
وأخذ يردف علي ضرباته باليافوخ
لحد ما حيل خَوّاني
لكن بي طبع ما طيح
روح اسأل عليّ واشهودي عدواني
مو انسان يحجي وياك
جرح يمشي عله طوله وشمعه بصواني
ما عندي لجوء ايجتف الانسان
ولا مربوط بلساني
وك استاتس عندي من عمان
وسياسي... كوفي اعنان سمّاني
عراقي آني
من زاخو لعد الفاو عنواني
دجله أمي....وأبوي اسمه الفرات
وليلي مرجاني
عمت عين الزمان اشلون ذَبّاني
ولو حز ابضميري الجوع
بس ما غير ألواني
إيخسه التاريخ إذا مو باول أحروفه
يحط اسم العراق ويشطب الثاني
عراقي آني البكلبي على الساني
آنه الماصحت يوم أحاه
وعلى امتوني تكطع صوت سجاني
وأظن ما قصريت أوياه
أخويه الجان ينخاني
يِأَشِّر بيده من ابعيد
جديم الكوم يلكاني
عطش مره... شلت نهر الفرات وجيت
وشفت دجله على الجولان يتناني
عراقي آنه
واليبيعن سكاير على الرصيف اليوم نسواني
والماتوا بحسرة علبة حليب اطفال
هذوله أطفال خُوّاني
ما آغَنّي بعد بلاد العرب أوطاني
من الشام لبغدانِ
ومن نجد الى يمنٍ
الى مصر فتطوانِ
عراقي آني
ولو تعرفني كل الناس بس أعطيك برهاني
من داروا عليّ عرب آخر زمان وحتى جيراني
ما هزوا وحك عيناك
شعره من شعرات وجداني
عراقي اني
 
(للشاعر عباس جيجان)

 
الى بغداد
الى من كنا نباهي بها وباتت تبكي اليوم اهلها
الى من بكتني في غربتي وقد اشعرتني بأني لها
اليها اناظل كي اهتدي ليوم اللقاء وقربي لها
فهل تذكريني وهل تذكري دمااااء بأرضك تحت الثرا
شكوت ولكن الى من تشتكي الى من نساكي وصافح العدا
يقينا سأبقى على عهدي لكي وابقى يقينا على طول المدا
وهل هناك ارض غير ارضكي تضم الاحبة في احضانها
وداعا بلادي فقد لا نلتقي وداعا لآرض ارواحنا لها

الي مضيع محب يمكن سنة وينساه ....
بس الي مضيع وطن وين الوطن يلكاه ...!!!!؟؟؟

كل الشعوب لهم وطن يعيشون به..
الا نحن فوطننا يعيش فينا ..
العراق
 
كلو حتى السعف والتمر والجمار.....وبقة بس الجذع مشتعلة بيه النار
وهنانة كعدو سيطرو عالابار.......وطبو للمتاحف وباكو الاثار...
معروف الرصافي تطوقة دبابات....والسياب باكو منة كومة اشعار
خلو بالطريق اسلاك يابو اسلاك....كونكريتية وسيامة ها
خلو بالطريق اسلاك يابو اسلاك وبغداد الحبيبة لبسوهة سوار
احتلو كربلة اويلي على كربلة وميسان والحمزة وعلى حس القنابل نامت العشار
احتلو الموصل والنجف والفاو وبركبة البصرة حدو المنشار
عراقيين واسفة الزمن بينة اندار ......
شاهد انا عالجرى وشاهد انا عالصار ...ياهو الي يطفي شعب مشتعلة بيه النار ......
صعدنا فوك السطح نباوع على الطيار ابو الاباتشي الطيار انعل ابو لابو الدزة علينة ....
ومنين طار من يا منطقة .......
صعدنا فوك السطح نباوع على الطيار بكلبة ماكو رحم فلش علينة الدار...امى كتلهة القصف هنا ماتو اخوانى وصاروخ اجة من بعد فلشلي جيراني شاهد عيان الزمن ياناس خلاني ماعدنة غير الصبر وفوك الصبر دنفوت من يرضى هذا الوطن يتخلة في تابوت ميموت هذا البلد ماطول اكو عراقي .......
ميموت هذا البلد لا لا ابد ميموت يا عالم اسمع بعد صوتي وانفاسي وطني حبيبي وهلي وكل ربعي وناسي.....
 


يگولون العراق انتهى وراح ...
اگوللهم لا لي هسة عطره يفوح من القداح ...
يگولون العراق الم وعذاب وجراح ..
اگوللهم الفرح موجود وبيدنا المفتاح ...
يگولون شلون والعبوات والمفخخات وكل واحد شايل سلاح ..
اگوللهم إذا صرنا گلب على گلب وأيد وحدة نبني بلدنا وننشد موطني بعالي الصوت وصياح...
ونگول للعالم إلي تراهنوا على نهايتنا.. المستقبل إلنا وكل همنا زاح